Nga Vamira Dalipi
“ Bëje me mua për qejf dhe jo për fëmijën”, këto fjalë të gjyqtarit, Roland Hysi ende më kumbojnë në kokë. Që sistemi jonë gjyqësor është i kalbur dhe i marrë fund këtë e dimë të gjithë edhe që gjyqtarët shesin fëmijët për para edhe këtë po e mësojmë, por me e keqja është, që gjyqtarët tanë i ka kapur deliri, ju duket vetja zotër, të plotfuqishëm dhe seksi. Po ti s’je as ndonjë super mashkull, more i dashur Landi, se mosha s’ka problem për ju, shyqyr që jeni funksional biologjikisht.
Zoti gjyqtar nëse ke fëmijë, a të vjen mirë ty të bëjnë pazar për fëmijën tënd? Ose vajzës tënde t’i kërkojnë seks për një të drejtë që ja njeh zoti edhe ligji?
Por nuk ke faj ti more zotëri, se këtu është çdo gjë e mbërdhifme. Këtu kur shkon në një gjyq t’i nuk ngre dot kokën se gjyqtari bën si super serioz, ndërkohë që kërkon seks nëpër cepa hotelesh. Shko në polici, po deshe, mbi të gjitha kur je femër,dhe nëse shkon më shumë se njëherë për tu ankuar për të njëjtin hall, që kushedi prej sa kohësh të ha shpirtin, edhe atje të trajtojnë si lavire, një tufë me burra me uniformë: “ Hë mo se këto punë kanë këto”.
Më pas çfarë ngelet, të shkosh te “ Fiksi” apo te “Stopi”, po të morën përsipëredhe atje, që të gjesh ndonjë zgjidhje për problemin tënd.
Po qershia mbi tortë është psikologia, Elona Meçani që të uroj:“ Mos të bëftë zoti nënë, ty dhe shumë të tjerave si puna jote”, e di që mund të jetë e rendë, por këtë e them se e di shumë mirë që ka edhe të tjera monstra më keq se Elona. Por çdo gjë me kohë, se do fillojnë të dalin monstrat një e nga një.
Si mundet një grua, të bëjë pazare për fëmijë, nuk e di, a je bijë, nëne, t’i moj vajzë, apo t’i ka errësuar sytë leku edhe nuk kupton asgjë. Më e keqja është se për monstrat si puna jote nuk ka as kurë, se nuk mund të shërohesh kur nuk e di dhe nuk e pranon që je e sëmurë, po s’ke faj, se shpirti i ngushtë nuk është sëmundje në fakt.
Vetting, po thuhet me të madhe, nuk e di, shpresojnë të gjithë, por këta gjyqtarucë, vazhdojnë të thonë: “Ne i kemi siguruar shtatë breza, maksimumi do të na heqin nga puna nuk kanë çfarë të na bëjnë”. Se edhe në gjykatë po të shkoni jeni maestro ju, dini të mbroheni.
Nuk kanë frikë këta palaço as nga Vettingu dhe nga asgjë.
Nuk kanë as turp, dy ditë e kanë edhe e hanë turpin me bukë.
Sa për zonjën që bëri denoncimin, bravo i qoftë. Shumë thonë që ajo e ka provokuar situatën, këtu e përkrah edhe më shumë, se i çorri maskën gjyqtarit manjak.
Po si more zoti gjyqtar edhe akullore edhe çokollatë, po, si jo, bravo!
Vazhdoni monstra mos njihni asnjë kufi, se njerëzit e thjeshtë kaq mundësi kanë, para jush janë të dobët, madje s’do isha habitur edhe po t’ja kishte lënë ajo zonja, ç’të bësh tani në një vend që s’ka shtet dhe që të shkulin zemrën nga shpirti, je e detyruar të bësh gjithçka.
Por nëse për ju nuk ka zot, ekziston edhe karma, zoti gjyqtar, apo çfarë them edhe unë, do të dish ti për Karmën…ti do bësh dashuri me një që se njeh…ke hall të tregosh përmasat dhe parametrat, unë merrem me karmën…./Tirananews/