Arrestohet sapo shkel në Itali shqiptari që theri me thikë dy të mitur nga vendi fqinjë.
Ngjarja ndodhi në Firence me protagonist një 20-vjeçar.
Para se të ndodhte ngjarja ai po ecte në zonën e Fortezza da Basso me të dashurën dhe një shok.
Jo shumë larg tyre, djali vuri re 7 të rinj, të cilët, sipas tij, i kishin parë të dashurën me shumë interes. Gjë që e bëri shqiptarin të shkonte drejt tyre për të kërkuar shpjegime. Dhe diskutimi, i cili gradualisht bëhej gjithnjë e më i ndezur dhe i vështirë për t’u kontrolluar, degjeneroi shpejt për t’u kthyer në një luftë. Gjatë përleshjes (i mbështetur nga shoku i tij), shqiptari nxori një thikë që e mbante në xhep dhe plagosi dy persona.
Pas sherrit, ai vendosi që të largohej nga Toskana dhe të kthehej në Tiranë, qytetin e origjinës. Dhe aty i kaloi muajt e fundit, duke pritur që ujërat të qetësoheshin dhe të kthehej në tokën italiane. Mesa duket kishte menduar se nuk ishte më i kërkuar, ndaj dhe bleu një biletë avioni për në Bolonja. Por sapo zbarkoi në aeroportin e qytetit, e arrestuan.