Shikueshmëria e emisioneve argëtuese, ka “përplasur” moderatorët e televizioneve “rivale”. Një përplasje virtuale për klikimet ka nisur mes Luana Vjollcës dhe Donald Veshajt. Ishte ky i fundit që ironizoi moderatoren e “Zemër Luana”, për klikimet dhe videot e saj falënderuese ndaj fansave.
Por Donaldi e ka nisur edhe si një kundërpërgjigje, pasi në emisionin e Luanës, këngëtarja Albërije Hadërgjonaj, tha se Beatrix ka nevojë për një burrë dhe jo për një legen. Mesa duket Donaldi e ka marrë personale.
Klikimet e Luanës kanë arritur në shifra rekord që me puntatën e parë, ndaj falënderonte ndjekësit. Por ironisë së Donaldit, ajo zgjedh t’i kundërpërgjigjet me një postim në Instagram.
“Qentë le të lehin, karvani ecën përpara”, shkroi ajo në një postim.
Luana pati edhe mbështetjen e menjëhershme të Beatrix Ramosajt, ish-partneres së Donaldit, e cila reagoi në komente. “Vajzë, tregoju si bëhet”,-ka shkruar Beatrix Ramosaj në seksionin e komenteve.