Viti 2024 ka nisur me angazhime intensive për shumicën qeverisëse.
Burime për Tirananews.al bëjnë me dije se kreu i ekzekutivit, Edi Rama do të mbledhë qeverinë për një analizë të detajuar në lidhje me ecurinë e punëve të ndërmarra si dhe fokusin e projekteve për vitin 2024.
Retreat-i pritet të zhvillohet në nisje të javës së dytë të Janarit, ekzaktësisht në datën 9 Janar, raporton TN.
Kujtojmë se në konferencën tradicionale të fundvitit, kryeministri numëroi arritjet e Shqipërisë për vitin 2023.
Sipas tij, një ecuri shumë të mirë kanë pasur ekonomia e vendit, siguria, shërbimet publike, etj.
Rama tha se rritja ekonomike e këtij viti i kalon parashikimet, ku ka ndikuar edhe bumi masiv i turistëve.
Rama u shpreh gjithashtu se ky vit ka pasur rënie të mëtejshme të papunësisë reale dhe sot vendi ka një papunësi që është më e ulta e të gjitha viteve deri tani.