Nga selia e Partisë Demokratike, ish-kryeministri Sali Berisha ka akuzuar qeverinë për lidhje me bandat kriminale. Rrëfimet e vrasësit me pagesë, Nuredin Dumani, sipas Berishës, kanë zbuluar “killerat” e bandave të qeverisë.
Nuk munguan as sulmet në drejtim të kryeministrit Edi Rama, të cilin e quajti “vasal” të presidentit serb, Aleksandër Vuçiç.
“E vërteta është se Edi Rama ky vasal i Aleksandër Vuçiç, ka shndërruar Tiranën , në Beogradin e vogël. Tirana e Edi Ramës dhe Banjalluka e Dodikut kanë qëndrim identik për vrasjet masakrat, gjenocidin kundër njerëzimit që u kryen në Kosovë, gjatë operacionit Paktoi. Rezoluta për Gjenocid u refuzua nga Edi Rama…Shqipëria tregoi ai është thjesht Beogradi i vogël. Në vitin ’45, Enver Hoxha me divizonet e tij, mundësoi vërshimin e hordhive të serbo-malazeze në Kosovë dhe e dorëzoi tek Tito dhe e mbrojti atë akt. Rama po thur me Vuçiç plane të kobshme për Kosovën dhe shqiptarët në Kosovë.”
Më tej, Berisha porositi anëtarët e Këshillimit Kombëtar të PD-së, duke iu thënë se duhet të fillojnë një debat për interesin e qytetarëve shqiptarë.