Edi Rama pranoi se ligji aktual ka pamundësuar një pjesë të legalizimeve, ndaj dhe nga njësia 14 në Kashar, ku vijoi turin “Punët e Shqipërisë”, kryeministri paralajmëroi se procesi do të bazohet mbi kriteret e aplikimit.
Thënë ndryshe, ai që ka dorëzuar më herët dokumentacionin do ketë fatin të marrë dokumentin më parë, se pasuesit në listë.
“Pse dikush që e ka bërë kërkesën që në 2010 duhet të presë akoma, ndërkohë që dikush që e ka bërë kërkesën në 2018, ta marrë më para. Prandaj do bëhet një sistem tani me kritere të qarta, me vite dhe njerëzve do u thuhet prit se jemi në vitin X. Kjo do krijojë më shumë qartësi për njerëzi”.
Teksa pranoi se deri më tani janë bërë 300 mijë legalizme, Rama tha se në funksion të këtij procesi po përshpejtohet edhe me digjitalizmin e hartave.
“Janë skanuar 54 milionë fletë. në 2027 do të kemi çdo gjë te digjitalizuar”, tha kreu i qeverisë.
Qeverisjes socialiste i njeh jo vetëm meritën e kthimit të Shqipërisë në një destinacion turistik, por edhe rritjen e investimeve të huaja.
“Shumëfishuam numrin e turistëve në 12 mln me pasaportë të huaj dhe investimet e huaja, i çuam në 1.5 mld nga 400 mln euro në vit që ishte”.
Edhe përpara Asamblesë Socialiste të degës 14, s’i kurseu akuzat ndaj opozitës, duke i cilësuar të paudhë përfaqësusit e saj, që tha se po tentojnë të bllokojnë integrimin e Shqipërisë në familjen europiane.