Qeveria ka miratuar këtë të mërkurë në mbledhjen e Këshillit të Ministrave pagën bazë minimale në Shqipëri.
Kështu, nga 22 mijë lekë, paga minimale do të rritet me 2 mijë lekë për të shkuar në 24 mijë lekë dhe shërben për efekt të llogaritjes së kontributeve për sigurimet shoqërorë.
Në vendimin e marrë në mbledhjen e qeverisë, sqarohet se kjo rritje jepet për 174 orë pune në muaj, të kryera gjatës kohës normale të punës.
Rritja e rrogës minimale përveçse sjell shtimin e të ardhurave për punonjësit me paga të ulëta sjell benefite edhe për vetë të punësuarit duke u rritur kontributet shoqërore.
Ky është ndryshimi i dytë i nivelit të pagës minimale, i cili u rrit në vitin 2013. /TiranaNews/