Qeveria nis mbledhjen me një minutë heshtje në nderim të policit hero Bunjaku, 50 mijë euro për familjen

Këtë të mërkurë, mbledhja e qeverisë së Kosovës nisi me një minutë heshtje në nderim të policit hero Afrim Bunajku, i cili u vra të dielën nga sulmi terrorist në Banjskë të Zveçanit. Kryeministri Albin Kurti tha se të dielën është cenuar siguria kombëtare. “Me mbi 5 milionë euro vlerë të armatimit është dëshmuar skenari për gjakderdhje në Kosovë”, tha kryeministri Kurti. Ai ftoi qytetarët e vendit që sot kudo që shohin policët e Kosovës t’i falënderojnë ata për shërbimin ndaj Kosovës. Po ashtu me vendim të qeverisë, familjes së heroit do ti dhurohet shuma prej 50 mijë euro.