Një qytetare tregoi për emisionin “SOT” në Euronews Albania historinë e trishtë se si humbi djalin e saj.
Ajo tha se ishte me pushime në Vlorë, kur një mjek atje i bëri një gjilpërë të birit.
Fatkeqësisht djali u nxi në fytyrë dhe më pas humbi jetën, siç tregoi zonja.
Ajo u shpreh se është ende në gjyq me mjekun. Ai nuk shfaqet, por vetëm avokati i tij. Sipas zonjës, procesi po zgjatet prej vitesh pa marrë zgjidhje.
Sipas ekspertizës mjekoligjore, qytetarja tregoi se shkak i vdekjes së të birit është bërë injektimi i gjilpërës nga mjeku.
“Gabimet e mjekut i mbulon toka,” – përfundoi zonja.