Ka ndërruar jetë në spital 14-vjeçari i cili një ditë më parë është rrëzuar nga tarraca një pallati në zonën e Yzberishtit.
Sipas policisë, i mituri ka rënë nga tarraca e pallatit ku banonte tezja e tij. Pas ngjarjes ai është transportuar në spital për ndihmë mjekësore, por nuk ka mundur t’i shpëtoj plagëve të marra.
Ndërkohë, blutë kanë nisur hetimet për sqarimin e rrethanave të ngjarjes së rëndë.
“Më datë 07.06.2025, në Yzberisht, dyshohet se aksidentalisht ka rënë nga lartësia e tarracës së pallatit ku banon tezja e tij një i mitur 14 vjeç. Si pasojë, 14-vjeçari ka ndërruar jetë në spital. Punohet për sqarimin e rrethanave të rastit”, njofton policia.