Kryeministri i Shqipërisë, Edi Rama, këtë pasdite ka vizituar prindërit e ish-presidentit të Kosovës, Hashim Thaçi.
Rama ka qëndruar për rreth 20 minuta, së bashku me katër ministra të tij, ndërsa është pritur nga shumë anëtarë të Partisë Demokratike të Kosovës, si Vlora Çitaku, kryetari i Skenderajt, Fadil Nura, dhe nënkryetari Sami Lushtaku.
Kreu i qeverisw shqiptare nga kjo vizitë nuk doli duarbosh, pasi mori si dhuratë nga ana e familjes së Thaçit, flamurin kombëtar kuq e zi.
Ndërkohë Rama i dhuroi familjes së Hashim Thaçit një statuje te vogël te Skënderbeut.