Kryeministri Edi Rama shpërndau sot në rrjetet sociale disa pamje të shkollave, kopshteve dhe çerdheve të rikonstruktuara në Durrës.
Rama thotë se 70 institucione të arsimit janë bërë sipas standardeve më të mira europiane, duke i ofruar fëmijëve kushte bashkëkohore, si fëmijët e tjerë në Europë.
Për këtë investim kryeministri shpreh mirënjohje ndaj kryetares së bashkisë, Emiriana Sako dhe qeverinë.
“Dhe me këtë buqetë të bukur investimesh në qytetin e Durrësit, ku falë drejtimit dinjitoz të kryebashkiakes Emiriana Sako, si edhe mbështetjes së fuqishme të qeverisë, kanë rilindur 70 institucione të arsimit; shkolla, kopshte, çerdhe, sipas standardeve më të mira europiane, duke iu ofruar fëmijëve tanë kushtet dhe aksesin që ata meritojnë të kenë, njëjtë si bashkëmoshatarët e tyre në Europë, ju uroj një ditë të bukur”, shkroi Rama në Facebook.