Gjatë mbledhjes me qeverinë e Albin Kurtit në Prishtinë, kryeministri Edi Rama shprehu po ashtu ambicien për të finalizuar projektin e albanologjisë dhe të një abetareje të përbashkët për çdo fëmijë që mëson shqip.
Ndër të tjera Rama theksoi edhe se do të bashkëpunojë edhe me qeverinë e Malit të Zi, Maqedonisë së Veriut dhe Serbisë, në mënyrë që në çdo trevë ku flitet shqip të jetë e njëjta abetare.
“Projekti për enciklopedinë shqiptarë. Projekti i albanologjisë që merr udhë si vullnet i përbashkët i dy qeverive. Është këtu vendi i duhur se ka përfunduar faza e parë për abetaren e unifikuar, kemi fituesin. Jam shumë i lumtur që bashkë me Albinin do të dorëzojmë abetaret e unifikuara. Ne kemi folur edhe me përfaqësuesit shqiptarë në Maqedoninë e Veriut, edhe me kryeministrin e Malit të Zi dhe do të flasim edhe me Serbinë që kjo abetare e unifikuar të shkojë tek të gjitha familjet shqiptare. Do ta kemi abetaren e unifikuar kudo ku kërkohet”.