Kreu i qeverisë Edi Rama nuk i ka kursyer batutat gjatë konferencës së përbashkët me me Sekretarin e Shtetit për Çështjet e Jashtme, Commonwealth-in dhe Zhvillimin e Mbretërisë së Bashkuar, Lord David Cameron.
Ai i tha se ka dhënë fjalën që do të vijë sërish në Shqipëri, e se tani duhet të vërtetojë nëse është politikan që e mban apo jo fjalën.
Lexo edhe :
Related Posts
“E përsëris që ke premtuar që do kthehesh prapë, kështu që janë gjithë shqiptarët do të të shohin që a je një politikan që mban premtimet apo jo”, u shpreh Rama në fund të fjalës së tij.
Por Cameron premtoi se do të rikthehet sërish në Shqipëri.
“Faleminderit që thatë se jam mik i Ballkanit Perëndimor dhe rajonit. Për mua është kompliment i madh. Në fakt, kam një këndvështrim të drejtë dhe të thjesht që kur Ballkani Perëndimor ia del atëherë edhe Evropa ia del mbanë. Nëse ka probleme në Ballkanin Perëndimor atëherë ka edhe në Evropë është në interesin tonë të përbashkët që të ndihmojmë me procesin e paqtimit, rritjes ekonomike dhe mirëkuptimit. Për mua kjo është përparësi dhe ka qenë edhe kur kam qenë kryeministër. Jam i kënaqur që do të vini në takimin me 18 Korrik, një takim i rëndësishëm jo vetëm për vende të BE, por edhe si Shqipëria dhe Mbretëria e Bashkuar. Do të flasim për të gjitha këto çështje, emigracionin, mbështetja për Ukrainën, stabilitetin, rritjen ekonomike, sukseset në Ballkan. Ka qenë mrekulli që kam qenë këto sot. E mbaj premtimin se do të rikthehem për diskutime të mëtejshme gjatë vitit. Urime për gjithçka që keni arritur.”, tha Cameron.