Kryeministri Edi Rama i ka kthyer përgjigje komentuesve në rrjetet sociale në rubrikën ”Sy m’Sy”. ”Si futet Shqipëria në Europë me depozita uji në tarracë dhe pa drita. Je gjigand, edhe nastradini do të kishte zili”, shkruan një komentues. Rama thotë se BE ka deklaruar se duan që të mbyllin negociatat me Shqipërinë brenda 2027.
”Tani ty jam i bindur që të duket vetja shumë i zgjuar që bënë këtë lloj komenti, por mua sa më shumë kaloj në vitet aq më pak i zgjuar më duket vetja. Nuk po të them se ca mendoj unë për komentin tënd dhe për hyrjen në BE, por po të pyes ty, po BE a do ta kishte zili Nastradini meqënëse do të fus në gjirin e saj sa më parë. E ke dëgjuar ti BE që thotë duam që të mbyllim negociatat me Shqipërinë brenda 2027. Unë e kam durim aq të madh sa merrem edhe me komente si të tuat duke mos harruar që sado i zhytyrë të jetë në kënetë dikush që bënë këto komente është detyra ime që ta respektojë si qytetarë i këtij vendi”, tha Rama.
Një tjetër komentues shkruan se kryeministri vijon premtimet edhe pas 12 vitesh në pushtet. ”Po boll se keni 12 vjet në pushtet dhe akoma premtoni si bufi”, thotë një komentues. Rama i është përgjigjur duke thënë se nëse ai do bënte premtime si bufi duke iu referuar Sali Berishës edhe vendi do të ishte njësoj si në kohën kur ai ishte në pushtet.
”Unë nuk kam 12 vite që premtojë po kam 11 vite e 6 muaj që bëjë ato që them se po të isha si bufi edhe Shqipëria do të ishte si e bufit një vend që se merrte askush seriozisht, i zhytyr në borxhe dhe në kriminalitet dhe me mbi 100 e kusur vrasje në vit. S’ka më të verbër se ai që i ka sytë dhe refuzon që të shoh dhe më shurdhër se ai që i ka veshët dhe s’do të dëgjojë”, tha ai.
Po ashtu, kryeministri i është përgjigjur edhe një komenti, i cili ka ironizuar lidhur me 3 projekte në Vlorë e Durrës, të cilët ende s’kanë përfunduar duke thënë se këto projekte kanë dalë shumë bukur. ”Ai projekti i stadiumit në Vlorë, projekti Marina në Vlorë apo Marina Durrës kanë dalë shumë bukur”, shkruan një komentues. ”E kuptojë ironin tënde po punët e mëdha nuk bëhen sa hap e mbyll sytë si bëhen komentet e kota duhet të bësh edhe pak durim marina Vlorë dhe Durrës janë të dyja në kantier po të duash shko dhe shihi për të parë se ca pune kolosale është bërë. Për stadiumin e Vlorës është detajuar projekti që doli fitues nga konkursi. Unë them atë që them dhe bëjë atë që them”, tha Rama.