Sipas kryeministrit Edi Rama, çelja e bisedimeve në tryezë për anëtarësimin e Shqipërisë në Bashkimin Europian ka gjasa të realizohet në muajin qershor, por ai thotë se edhe nëse nuk arrihet, Shqipëria do të vijojë të punojë për detyrat që e afrojnë atë me standardet europiane.
Këto fjalë Rama i tha gjatë një konference që po zhvillon me përfaqësuesin e lartë për punët e jashtme dhe politikat e sigurisë dhe zv.Presidentin e Komisionit Europian, Josep Borrell. Gjithashtu, Rama u shpreh se tashmë integrimi i Shqipërisë është një çështje që mbetet në fushën e Këshillit të Europës.
“Integrimi është çështje e Këshillit Europian dhe Bashkimit Europian. Deri më tani Këshilli Europain nuk ka arritur të bëjë këtë, për një tryezë bisedimesh për shkak të bllokimit që bëri Bulgari ndaj Maqedonisë së Veriut” tha Rama.
Më tej, kryeministri shtoi se nëse BE-ja, ka një plan për të mbështetur vendet për krizën energjitike apo për pasojat e tjera të luftës, të mos e lejë Ballkanin jashtë siç bëri me vaksinat.
Mes të tjerash, kreu i qeverisë shqiptare theksoi edhe faktin se duhet të nxitohet me projektin për “Korridorin 8” që është prej disa kohësh në planin ekonomik të investimeve.
“Korridori 8 bëhet tashmë edhe më strategjik për çështje sigurie” deklaroi Rama.