Kryeministri Edi Rama ka qenë i pranishëm në shkollën “At’ Zef Pllumi”, në qytetin e Lezhës, ku ka parë nga afër ndërtesën e ringritur pas tërmetit shkatërrues të 26 nëntorit.
Si një nga shkollat më të vjetra të Lezhës, “At’ Zef Pllumi” është kompletuar edhe me palestër e fusha sporti.
Ka qenë vetë Rama që ka përuruar fushën e basketbollit.
I pranishëm në këtë inaugurim ishte edhe kryetari i Bashkisë së Lezhës, Pjerin Ndreu. Ai tentoi të bënte kosh, por topi iku shumë larg.
Ndërkohë kryeministri Rama, ish-basketbollist, ka qëlluar në shenjë që me goditjen e parë.