“Rama-Berisha-Meta, trekëndëshi i Bermudës”/ Paloka sulmon Bashën: Gabimi më i madh politik e njerëzor. S’të lejohet t’i barazosh

Deputeti i PD, Edi Paloka ka reaguar pas deklaratës të kryedemokratit Lulzim Basha në Kuvend, i cili etiketoi si “trekëndësh të Bermudës”, Edi Ramën, Sali Berishën dhe Ilir Metën.
Paloka shkruan në “Facebook” se me këtë deklaratë Basha bëri një gabim të madh politik, duke barazuar Sali Berishën me Edi Ramën.
“Ky është gabim i madh zoti Basha! Gabim i madh politik e njerëzor! Sado mllef të të jetë mbledhur këto kohë nga një situatë që në fakt vetë e krijove, nuk mund t’i lejosh vetes të vendosësh kurrë e në asnjë rrethanë , shenjë barazimi mes Sali Berishës dhe Edvin Ramës! Të paktën jo duke përfaqësuar demokratët”, shkruan Paloka.