Pak orë para protestës së opozitës, kryeministri Edi Rama ka rikthyer në vëmendje akuzat ndaj kryedemokratit Sali Berisha në lidhje me financimet nga zyrtarë rusë.
Në një postim në Twitter, Rama shkruan se në vitin 2008, Sali Berisha u takua në Tiranë me të besuarin e Vladimir Putin, Konstantin Kosachev, takim ky i ndodhur një muaj para votimit në Strasburg të Rezolutës së Këshillit të Europës “për të ndëshkuar atë çka iu bë padrejtësisht Kosovës”.
“Një muaj përpara bashkimit të duarve për t’i ngulur thikën pas shpine Kosovës dhe Shqipërisë në Strasburg, Çorba e Rublave është gatuar në Tiranë gjatë një vizite të përfaqësuesit të Putinit, e vlerësuar ‘shumë e rëndësishme’ nga zyra e vulëhumburit tanimë të damkosur: NonGrata!”.
