“Mos e hidhni votën në kënetë”, kështu u shpreh Rama gjatë fjalimit të tij të mbajtur me emigrantët shqiptarë në Milano.
Kryeministri nuk la pa përmendur edhe partitë e reja duke i ironizuar ato se sipas tij nuk kanë asnjë tjetër të re veç fytyrës së tyre, ndërsa shtoi se i kanë mbushur listat e mbyllura, me familjarë të tyre.
Gjithashtu Rama bëri thirrje pa dallim, drejtuar edhe demokratëve, se 11 maji nuk është një ndeshje futbolli, por një përballe me historinë, ndërsa theksoi se PS i duhet një fitore popullore dhe se kurrsesi nuk mund të humbë shansi i Shqipërisë për t’u bërë pjesë e familjes europiane.
“Të re kanë vetëm fytyrën asgjë tjetër nuk kanë. Ju premtojnë qiqra në hell. Kush nuk ka gjë në dorë, mund të të premtojë të të falë gjithë Milanon. Të çosh votën tek ata është ta çosh dëm. Ne na duhet të bëhemi një, tamam si gishtat e dorës. I bëj thirrje të gjithë demokratëve, shqiptarëve, të gjithëve ju që kjo është një përballje finale me historinë tonë. Të paktën këtë herë duhen lënë në shtëpi ngjyrat e fanellave”, tha ai.