Deputeti i Partisë Demokratike, Kreshnik Çollaku e cilëson idenë për të bojkotuar samitin e BE-së një ftesë ndaj influencave ruse në Ballkan.
Me këtë frymë, sipas tij, nisma “Ballkani i Hapur” mbulohet me hijet e një skepticizmi të arsyeshëm.
“Bojkoti ndaj ftesave te BE, është “ftese” ndaj influencave ruse ne Ballkan. Është ne nivelin e një skandali te paprecedente diskutimi midis Rames Kovacevskit dhe Vucic dhe plani apo ideja per te bojkotuar samitin e ftesen e BE ne 24-25 qershor per lideret e Ballkanit Perendimor. Per Vucic qe nxit nje Ballkan per ballkanasit,nje Ballkan nen influencen ruse kjo nuk ka asnje cudi. Ndersa per Ramen dhe Kovacevskin e Maqedonise ky refuzim eshte nje devijim skandaloz nga procesi integrimit i vendeve tona. Me kete fryme Ballkani i Hapur ,ne formatin e te cilit eshte bere diskutimi dhe pritet vendimi mbulohet me hijet e nje skepticizmi te aresyeshem. Nese kjo fryme konsolidohet ,Ballkani Hapur kthehet ne nje forum qe rivalizon ne rastin me te mire dhe saboton ne rastin me te keq orientimin pro BE te Ballkanit Perendimor. Nese Rama vendos nje akt bojkoti te tille do te ishte akti me i rende ne politiken tone te jashtme pas permbysjes se komunizmit. Integrimi i Shqipërise ne BE eshte e duhet te mbetet prioritet kombetar.”