Nga Elbasani ku ndodhet për Ditën e verës, kryeministri Edi Rama ka komentuar edhe vendimin për rritjen e pagës minimale, duke e krahasuar me situatën e vendeve të tjera të rajonit.
Për të Shqipëria e ka nisur “nga vendi i fundit në rajon për nivelin e pagës minimale, ndërsa me rritjen e fundit ngjitemi në vendin e tretë baraz me Maqedoninë e Veriut, duke lënë pas Bosnjë-Hercegovinën dhe Kosovën”.
Poa shtu Rama deklaroi se priten edhe dy rritje të tjera brenda këtij mandati, për ta çuar atë në 45 mijë lek, sipas tij përtej edhe premtimeve elektorale. Njëkohësisht brenda majit do të duhet të ketë një rritje edhe të pagës mesatare.
“Objektivi ynë elektoral nuk merrte parasysh inflacionin e luftës së Putinit për të gjunjëzuar ekonomikisht mbarë Europën”, duke thënë se çdo rritje jashtë produktivitetit ekonomik të vendit është artificiale dhe sjell pasoja destabilizuese.