Kryeministri Edi Rama i është kundërpërgjigjur presidentit rus, Vladimir Putin pas akuzave të këtij të fundit se në Ukrainë ndodhen edhe mercenarë shqiptarë. Gjatë një konference me përfaqësuesin e lartë për punët e jashtme dhe politikat e sigurisë dhe zv.Presidentin e Komisionit Europian, Josep Borrell, Rama tha se në Ukrainë nuk ka mercenarë shqiptarë.
Kujtojmë se vetëm pak ditë më parë, Presidenti i Rusisë, Vladimir Putin deklaroi se Ukraina po furnizohet me mercenarë nga vende të tjera ku mes tyre përmendi edhe Shqipërinë e Kosovën. Por Rama i mohoi këto pretendime të Putin duke thënë se kjo është një akuzë e ngritur pa baza dhe është është krejtësisht e pa vërtetë.
Gjithsesi Rama shtoi se këto akuza të ngritura nga Kremlini i ka parë si një shqetësim që do ndiqen me vëmendje.
“Ne diskutuam dhe me përmendjen në mënyrë të vazhdueshme nga ana e autoritete të Moskës për një prani problematike në këtë konflikt. Akuza se Shqipëria po furnizon Ukrainën me mercenarë bashkë me Kosovën. Është një akuzë pa asnjë bazë. Është e pavërtetë. Por edhe shqetësuese. Ne po e ndjekim me shumë vëmendje edhe këtë aspekt.” deklaroi Rama.