Kryeministri Edi Rama gjatë inspektimit në zonën e përmbytura në veri të vendit është ndalur edhe në Lezhë. I shoqëruar nga kryetari i Bashkisë së Lezhës, Pjerin Ndreu, kryeministri Rama ka thënë se sistemet e thitjes kanë bërë punën e tyre ashtu si duhet dhe fatmirësisht uji nuk ka depërtuar në banesat e qytetarëve.
Gjatë fjalës së tij kryetari i bashkisë ka thënë se në momentet që flasim vetëm 1300 hektarë tokë janë nën ujë, duke hedhur poshtë kështu akuzat e opozitës të cilët më herët thanë se e gjithë Lezha është nën ujë.
Kryeministri Rama tha se ajo çfarë shihet në kamera është një gënjeshtër, pasi uji në zonë po tërhiqet dhe se rrugët dhe banesat e qytetarëve nuk janë të përmbytura.
“Është tmerr se i bënë kamerat dhe i hapin. Në kamera edhe një pellg ujë të bërë vet mund ta kthesh në një përmbytje të gjithë Shqipërisë”, tha Rama.