Mjaft i ashpër ka qenë kryeministri Edi Rama me opozitën në Elbasan, ku u bënë protesta për të bllokuar takimin e tij. Ai i quajti ish deputeë pijanecë të cilëve ata që i kanë votuar duhet tu kërkojnë llogari pse nuk janë në Parlament.
“Ish deputetë dhe pijanec që bllokojnë rrugën, e shfaqje rrugaçërie që bllokojnë rrugën e transformimit të Elbasanit, çdo qyteti e çdo zone tjetër. Si mundet në shek. e 21 në vitin 2019 një parti politike që pretendon të qeverisë Shqipërinë të shfaqet rrugëve duke bllokuar dhjetëra qytetarë që duan të lëvizin dhe të pretendojë se me bllokimin e rrugëve po luftohet për demokraci. Kush i beson më këto. Sa i dehur duhet të jesh për të shkuar pas këtij berihaji, pas këtyre njerëzve. Si ish deputet kanë një llogari për t’i dhënë atyre që i dhanë votën”, tha Rama.
Deputetët janë shërbëtorë të popullit vijoi kryeministri duke ironizuar dhe sjelljen e tyre gjatë kohës që ishin në Kuvend.
“Votat ua dhanë të vijnë në Parlament për të votuar me ide argumenta programe, duke vendosur qeverinë me shpatulla për muri dhe jo për ta kthyer Parlamentin në një kopësht pa drekë e për të luftuar me vezë, bojë e miell e çizme. Duke dhënë shembullin më të keq të gjitha klasave të Sshqipërisë ku fëmijët shkojnë për të mësuar dhe edukata e bashkëjetesës në klasë është gjëja e parë që shqetëson prindërit dhe mësuesit”, vijoi Rama.