Drejtori i Partizanit, Olsi Rama, është i kënaqur nga ajo që ka parë në fushën e lojës nga skuadra e tij sa i përket paraqitjes. Në “Rubrika Sportive” ai argumentoi se skuadra kishte bërë mirë, edhe pse nuk kënaqej nga rezultati përfundimtar.
“Barazimi nuk më kënaq asnjëherë. Por jam i kënaqur se çfarë djemtë dhanë në fushën e lojës dhe rritjen graduale që dha loja e ekipit. Është herët për llogari, më e rëndësishme është se si ekipi kupton skemat e trajnerit dhe si bëhet lojë pozitive për të arritur rezultate. Sfida jonë është të ndërtojmë lojë që të vijnë pastaj rezultate e sukseset”, tha Rama.
Interpretimi i ndeshjes
“Ne u futëm për të fituar ndeshjen, të kushtëzuar nga mungesa të rëndësishme në
organikë. Nuk e dini por Hakaj ishte me temperaturë, as në stol, mbrojtësi i
majtë nuk na lejonte as të spostonim Trashin në mesfushë. Idrizaj vjen nga një
dëmtim shumë serioz, bëri paraqitje dinjitoze por nuk ka ritmin e 90 minutave.
Me mungesën e Telushit e sidomos Romeros, u detyruam që për herë të parë Broja
të luajnë para mbrojtjes, kishte shumë eksperimentime në ekip. Kthimi në lojën
me 3-5-2 që është debatuar shumë në ambientet sportive shqiptare, tregoi që
ekipi mund të shprehet në të dy sistemet. Mendoj se një ekip që pretendon të
dalë kampion, duhet të asimilojë më shumë se një skemë, të ketë rezerva që të
vërë në vështirësi në mënyra të ndryshme të vërë në vështirësi kundërshtarin.
Kishim alternativa në stol, mund të spostohej Çinari, me alternativa nëse
ndërrohej Idrizaj, por kur e sheh ndeshjen e sheh që lojtarët japin maksimumin,
është e vështirë të bësh ndryshime. Për mua, kur një trajner ka ndërrime,
mundohet të freskojë ekipin. Pro ekipi nuk pati shenja lodhje e rënie deri në
minutat e fundit, funksionuam shumë mirë.
Dëmtimet janë pjesë e një kampionati të gjatë, kartoni i Romeros ishte lojtari i parë i fazës së dytë për arsye kartonësh. Trashi deri në fund nuk dihej nëse do luante se ka pasur dëmtim të lehtë. Dëmtimi i Telushit ka disa kohë që e ngacmon, nuk është serioze, në analizat që është bërë nuk ka gjë”.
Për përplasjen pas ndeshjes mes
Lerdës e Mehmetit
“Debatet janë pjesë e punës, janë ato që shoqërojnë çdo moment të një pune
kudoqoftë, jo vetëm në sport. Në përfundim të ndeshjes, mund të ketë pasur
momente pakënaqësie, edhe stafi ka dashur të fitoje. Ka pasur debat por është
mbyllur aty, kam qenë prezent, nuk ka pasur asnjë grusht e asgjë tjetër. Kam
qenë prezent, ka qenë debat ku u kërkua llogarinë në një moment ku nuk
kërkohet. Këta të gjithë kanë eksperiencë më shumë në futboll, por është një
rregull i pashkruar, që në pushim e pas ndeshjes nuk flitet se është fryma e
garës. Të gjithëve u duhen 2-3 minuta të përqendrohen e të ulin ritmin. Kjo
është diçka që duhet të diskutohet, por aty filloi e përfundoi, të dy
trajnerët takuan lojtarët e i përshëndetën për djersën e derdhur në fushë:.