“Mrekullitë ndodhin”, kështu e ka cilësuar kryeministri Edi Rama rastin e një djali vetëm 2-vjeçar, të cilit i rrezikohej jeta pas një aksidenti të rëndë.
Me anë të një postimi në Facebook, kryeministri Edi Rama shkruan se Aronit iu shpëtua jeta nga mjekët, falë një ndërhyrjeje speciale të bërë nga mjekët.
Kryeministri shprehet se kjo është “shëndetësia që duam”, duke vënë në dukje punën e bërë nga Ministria e Shëndetësisë.
Postimi i Ramës:
Mrekullitë ndodhin! Po, një mrekulli është çfarë ka ndodhur me Aronin e vogël 2-vjeçar
Pas përpjekjeve në kufijtë e të pamundurës së ekipeve mjekësore të Traumës, Djegie-Plastikës, Kirurgjisë Infantile dhe pastaj në Reanimacionin e QSUT-së, sot vogëlushi ka dalë nga rreziku për jetën, pas një aksidenti që sipas çdo gjase, ishte vdekjeprurës
Rekuperimi mbetet i vështirë, por Ogerta dhe mjekët do ta ndjekin hap pas hapi ecurinë e Aronit, për çdo kurë të specializuar e ndihmë që do të ketë nevojë, 24 orë në 24.