Kryeministri Edi Rama njoftoi se kësti i kredive do të shtyhet edhe me tre muaj për t’u ardhur në ndihmë të gjithë atyre që janë prekur nga situata e koronavirusit që preku vendin tonë. Marrëveshjen, Rama tha se e ka firmosur së bashku me Guvernatorin e Bankës së Shqipërisë Gent Sejko.
Për biznesin, kreu i qeverisë thekson se Banka e Shqipërisë miratoi një lehtësim për bankat e nivelit të dytë, që të bëjnë ristrukturime proaktive të kredive deri në 31.12.2020 me shtrirje një ose disavjeçare, sipas shkallës së vështirësive të çdo biznesi.
Postimi i Ramës
🟢 LAJM I MIRË
BASHKËFIRMOSËM ME GUVERNATORIN E BANKËS SË SHQIPËRISË NJË SHTYRJE TË MËTEJSHME TREMUJORE TË KËSTEVE TË KREDIVE DERI NË 31.08.2020👍
GJITHASHTU BANKA E SHQIPËRISË MIRATOI NJË LEHTËSIM PËR BANKAT E NIVELIT TË DYTË, QË TË BËJNË RISTRUKTURIME PROAKTIVE TË KREDIVE DERI NË 31.12.2020 ME SHTRIRJE NJË OSE DISAVJEÇARE, SIPAS SHKALLËS SË VËSHTIRËSIVE TË ÇDO BIZNESI🤝