Kryeministri Edi Rama bën me dije lançimin e një konkursi të madh ndërkombëtar për një park të madh të besimit. Sipas Ramës, ky park është konceptuar së bashku me Presidentin e Emirateve të Bashkuara, Mohamed bin Zayed Al Nahyan”.
“Parku i madh i besimit është një ide që është tanimë e kahershme , por i ka ardhur koha për t’u realizuar. Falë bashkëpunimit me Presidentin dhe qeverinë e Emirateve të Bashkuara, ne do ta nisim me këtë konkurs.
Kemi përcaktuar edhe territorin, i cili do të jetë diku në periferi të kryeqytetit, një park i madh që do të jetë një hapësirë për të gjithë besimtarë ose jo besimtarë dhe që do të referojë përmes natyrës, luleve, bimëve, pemëve, frutave ato që janë burimet e besimeve të ndryshme”, tha Rama.