Kryeministri Edi Rama nuk i kursen vlerësimet për Kombëtaren Shqiptare të Futbollit.
Në një reagim pas takimit të zhvilluar mbrëmjen e sotme në Çeki, që përfundoi me rezultatin 1-1, Rama shkruan: “Krenar për Shqipërinë. Kjo Kombëtare nuk bën vetëm pikë, po luan futboll si e barabartë në çdo drejtim, jep shpirtin në fushë dhe frymëzon. Faleminderit djemve kuqezinj, po faleminderit edhe kampionëve që e drejtojnë këtë skuadër kaq dinjitoze, trainerit Sylvinho dhe ndihmësve të tij”.
Me barazimin kësaj të enjteje, kuqezinjtë marrin 1 pikë me shumë vlerë në këtë rrugëtim drejt Euro 2024.