Rama u ka bërë të ditur kryetarëve të bashkive dhe ndëshkimet për shkelje të rregullave në prokurimet publike. Ai tha se kush shkel për tenderat do të ketë hetim administrativ e do të shkojë para SPAK.
“Të gjitha prokurimet pa shpallje do i nënshtrohen hetimit administrativ. Duhet të shmanget hartimi i kritereve, “qepja” e kostumit me porosi, në kundërshtim me legjislacionet e fushës, duke kufizuar forcërisht konkurrencën. Procedurat me negocim pa shpallje, janë një “kancer”. Bashkitë duhet të reagojnë ndaj rekomandimeve të APP. Mos reagimi, fare sikur këtu gjithë ky ekip që punon për të rritur standardet shkruan letra të mbyllura në shishe që hidhen në det, në asnjë rast përgjigje, ose mos argumentimi, se ka raste që autoritetet kontraktore kanë opinionet e tyre, pse është vendosur një kriter i veçantë, për të cilin APP ka rekomanduar të hiqet, jo vetëm që do raportohet në mënyrë sistematike por do të dërgohet në hetim penal në SPAK. Autoritetet kontraktore duhet të monitorojnë dhe sjelljen e operatorëve ekonomik apo rotacionet në ofertim, apo ofertime fiktive dhe të marrin masa, thotë paketa e re, jo unë, për referimin e rasteve me emra e mbiemra konkretë të të gjitha bizneseve që e bëjnë këtë cirk të shëmtuar në të gjitha institucionet përkatëse për hetim administrativ”, tha Rama.
“Ju jeni shok dhe miq të mi, po vija ndarëse mes miqësisë dhe partisë sonë është faqja që secili prej nesh ka marrë nga populli të vijë duke u bërë gjithnjë e më e kuqe dhe do skuqet deri në përvëlim përgjatë gjithë mandatit të tretë qeverisës të PS”, tha Rama.