Kryeministri Edi Rama mblodhi sot në seli drejtuesit politik të qarqeve.
Mbledhja nisi në orën 08:30 dhe zgjati gjysmë ore. Mësohet se qëllimi i kësaj mbledhje ishte përmbledhja dhe analiza e situatës që kryeministri Edi Rama kërkoi më herët nga drejtuesit e PS-së në qarqe.
Ditën e nesërme pritet që Partia Socialiste të zhvillojë Mbledhjen e Kryesisë, aty ku do të diskutohet organizimi për 30-vjetorin e FRESH. Mbledhja e Kryesisë së PS do të nisë në orën 09:00 dhe temë diskutimi do të jetë edhe organizimi i PS, si dhe sfidat politike të kësaj force politike.
Në mbledhjen e nesërme pritet të zhvillohet një analizë e ngjarjeve të fundit në vend, kryesisht atyre të së shtunës, ku u zhvillua protesta e dhunshme te selia e PD, e thirrur nga Sali Berisha.