Kryeministri Edi Rama, ndau sot, 12 mars, në rrjetet sociale një video-kartolinë nga mbrëmja e djeshme e iftarit, ku mori pjesë së bashku me bashkëshorten e tij, Linda Rama.
Në videon e publikuar shfaqet atmosfera e ngrohtë rreth sofrës së iftarit, ku të pranishmit u mblodhën për të ndarë këtë moment të rëndësishëm të muajit të Ramazanit, në një frymë respekti, bashkimi dhe solidariteti.
Rama dhe bashkëshortja e tij iu bashkuan besimtarëve në këtë darkë tradicionale, që shënon përfundimin e agjërimit ditor gjatë muajit të shenjtë të Ramazanit për besimtarët myslimanë.
Iftari është një moment i rëndësishëm i këtij muaji të shenjtë, që shoqërohet me lutje, reflektim dhe afrimitet mes familjarëve, miqve dhe komunitetit.
Shtrimi i sofrës së iftarit vjen si një mesazh për vlerat e bashkëjetesës, harmonisë fetare dhe respektit të ndërsjellë që karakterizojnë shoqërinë shqiptare.
