Kreu i DPSHTRR, Blendi Gonxhe, ka thënë sot në “Open” se lidhur me çështjen e detit Shqipëria nuk duhet të shqetësohet, pasi nuk i cënohet hapësira detare.
Vendosja e ishujve në det dhe në harta ka mangësira dhe ndaj ka probleme në diskutime dhe zgjidhje.
Gonxhe duke komentuar vizitën e Ramës në Turqi e më pas në Athinë, tha se ne si shqiptarë duhet të ndihemi krenarë, dhe duhet ta marrim seriozisht një shtet si Turqia.
Gonxhe: Unë mendoj që duhet ta shohim më ftohtë dhe më me dinjitet ftesën dhe pritjen madhështore në Turqi, dhe rolin e Shqipërisë, që pas vizitës në Turqi shkon në Greqi. Kjo është gjë e mirë mendoj unë. Unë nuk shoh problem të Shqipërisë për detin me Greqinë. Çështja është shumë e qartë, gjithë zgjerimi në 12 milje në detin jon është pjesa përballë, quhet deti Jon për këtë pjesë, nuk ka lidhje të na marrin ne. Unë kam gruan nga Greqia dhe në shtëpi kemi folur e kemi lexuar. Problem i Greqisë është që hartat greke, ishujt, janë ndryshe. Ata kanë probleme të tyre, por nuk ka probleme me ne. Ata mund t’i zgjidhin me negociata. Deti zgjidhet me vijë mesi. Nuk ka konflikt mes nesh. Ne na ka qëlluar që e kemi më të lehtë ndarjen.
Vasili: Ka mundësi që Rama të ndihmojë në ndërmjetësimin e këtyre dy vendeve?
Gonxhe: Unë nuk do ta… si me thënë, do isha krenar si qytetar i këtij vendi nëse…nuk ka teatër këtu, është një shtet i fuqishëm, është e 6-ta për turizmin në Europë, e 20 në botë. Kur ky shtet të pret kështu nuk po tallet, por e ka seriozisht. Këtu ka një respekt të madh për Ramën. Unë e shoh me gëzim që Turqia e pret kështu Ramën. Duhet të jemi të nderuar.