Krah kancelarit gjerman Olaf Scholz në konferencën për shtyp, kryeministri Edi Rama tha se Shqipëria mbështet planin e paqes mes Kosovës dhe Serbisë.
“Kemi diskutuar për rajonin. Shqipëria, qeveria jonë, unë personalisht e mbështesim fuqimisht planin e paqes dhe të normalizimit mes Kosovës dhe Serbisë.
Në këndvështrimin tonë, është një plan absolutisht shumë përmbajtësor dhe shumë realist i cili sjell normalizimin e nevojshëm dhe të shumëpritur dhe të cilin të dyja palët duhet ta trajtojnë kjo vetëm me seriozitetin maksimal, por me gjithë kurajon e domosdoshme”.