Qytetarë të shumtë u mblodhën këtë të hënë në Tiranë për të kundërshtuar ndërtimet në Zvërnec të Vlorës. Qytetarët marshuan nga sheshi Skëndërbej për tek Kryeministria.
Rrugës rrethuan ministrinë e Brendshme me tela me gjemba si simbolikë e rrethimit disa ditë më parë të Zvërnecit me tela me gjemba dhe hekura teksa pati dhe përplasje të protestuesve me rojet privat të kompanisë që do të investojë në Zvërnec.
Rrugës teksa marshonin dhe gjatë protestës qytetarët thërrisnin gjatë gjithë kohës, “Rama në burg, Berisha në burg”. Shumica e njerëzve të mbledhur ishin të rinj, që me thirrjet e tyre kërkonin dhe një ndryshim politik të menjëhershëm ne vend.