Kryeministri Edi Rama ka ironizuar kandidatin e koalicionit “Bashkë Fitojmë” Luçiano Boçin gjatë takimit me gratë në qytetin e Elbasanit.
Sipas kreut të qeverisë, Boçi përdoret nga Berisha e Meta dhe se shfaqet para elektoratit si aktor.
“Luli është shumë më i vërtete se sa “Luluci” që keni këtu. Nuk besoj se ka pasur ndonjë kandidat që e ka nisur me një skenë filmi, kandidati bashkë me nje investitor konsulencë që do sillte 400 mijë euro në Elbasan që dalin para popullit dhe firmos marrëveshjen dhe aty thuhet. Kryetari i ri i bashkisë. Nuk ka kryetari i ri. O je kryetari i bashkisë ose një artist i ri që ke dal në skenë për tu tallur me popullin tënd. Asnjëri nuk është kryetari, as tjetri konsulenti, njeri gënjen për llogari të atyre në Tiranë, tjetri për llogari të këtij në Elbasan”, tha Rama.