Kryeministri Edi Rama ka zhvilluar një takim me kryeministrin e landit gjerman Nordrhein-Westfalen, Hendrik Wüst, gjatë vizitës së tij në Dusseldorf dhe Bochum.
Në qendër të bisedimeve ishte forcimi i bashkëpunimit mes Shqipërisë dhe Nordrhein-Westfalen, një prej rajoneve më të fuqishme ekonomike dhe industriale të Gjermanisë.
Sipas njoftimit të Kryeministrisë, palët diskutuan mbi zgjerimin e bashkëpunimit në fusha me interes të përbashkët, përfshirë investimet, teknologjinë digjitale dhe arsimin profesional, me synimin për të krijuar mundësi të reja zhvillimi dhe partneriteti.
Po ashtu, pjesë e axhendës ishte edhe procesi i integrimit europian të Shqipërisë, ku u theksua mbështetja për rrugëtimin e vendit drejt anëtarësimit në Bashkimin Europian.