Kryeministri Edi Rama, i shoqëruar nga kryetari i Bashkisë Shkodër, Benet Beci dhe drejtori i Fondit të Zhvillimit Dritan Agolli zhvilluan një inspektim në hyrjen e lumit Buna. Rama ka parë nga afër nivelin e punimeve në territor dhe e ka krahasuar projektin e Bunës të ngjashëm me atë të shëtitores në Vlorë.
Kreu qeverisë tha se aty do të krijohet një hapësirë e madhe ndërveprimi, sipas tij që do ndikojë në turizëm. Rama vlerësoi punën e bërë dhe theksoi se me realizimin e saj hapet një perspektivë e re turistike për zonën.
”Kjo do jetë një gjë e mrekullueshme, këtu do krijohet jo vetëm jetë urbane por dhe shumë energji dhe do krijojë shumë fuqi tërheqëse, si Lungo Mare që krijoi gjithë atë magnet. Shiko çfarë hapësire krijohet se duket kështu, por krijon me të vërtetë ndërveprim të madh”,-tha Rama.
