Kryeministri Edi Rama ka folur në Konferencën VIII Vjetore për Median në Evropën Juglindore ku tha se ai ka opinione të ndryshme për sa i përket lirisë së medias.
Rama:Nuk jam saktësisht njeriu i duhur për tu ftuar për shkak të opinioneve të mia që ndryshojnë nga ato që janë politikisht korrekte, kur bëhet fjalë jo për lirinë e medias por për mënyrën se si në emër të kësaj lirie shumë gjëra që shkojnë kundër këtij koncepti të lirisë ndodhin. Po i referohem saktësisht përhapjes në internet të lajmeve të rreme, të sjelljeve që priren të jenë kundër lirisë së njerëzve të tjerë, e priren të jenë kundër të drejtave të njerëzve të tjerë, kundër logjikës kur vjen fjala për gazetarinë realiste që bazohet në të vërtetë, kontrollin e fakteve dhe burime të qarta e që sigurisht mbështetet në ndjenjën e misionit për të përfaqësuar një fuqi të katërt reale.
Unë mendoj se kur vjen fjala për median në internet, liria e përhapjes së kësaj medie ka minuar një farësoj lirinë e fjalës, dhe liria e përhapjes nuk mund të jetë njësoj me lirinë e fjalës. Më e lehtë është të thuhet se të bëhet kur vjen fjala për të gjetur mënyrën se si të rregullohet kjo hapësirë kaotike, ku të vërtetat dhe gënjeshtrat janë bërë bashkëshoqëruese dhe të vërtetat e gënjeshtrat bashkëjetojnë duke e bërë ndonjëherë shumë të vështirë dallimin mes tyre. Sidoqoftë nga ana tjetër nuk mendoj se mënyra më e mirë është që ti largohesh sfidës e të mbash thjesht një qëndrim kur thua se në emër të lirisë na duhet thjesht të bëjmë durim me këtë sasi gënjeshtrash, akuzash e shpifjesh, shantazhesh që ditët e sotme janë shdnërruar në problem të madh. Mendoj se na duhet të reflektojmë për këtë. E kemi mësuar në mënyrën më të vështirë se kjo nuk ka të bëjë me qeverinë e aq më pak me vendet e vogla, pasi kur bëhet fjalë për tu përballur me këtë sfidë, duhet përballur një lumë paragjykimesh që vijnë nga bota e korrektes politikisht.