Kreu i qeverisë, Edi Rama, nisi sot mbledhjen e Këshillit Bashkiak ku kërkoi që lejet për riparimin e ndërtesave të dëmtuara në Tiranë të jepet brenda 24 orëve.
“Lejet e riparimeve të kenë një procedurë të përshpejtuar, Bashkia të japë leje brenda 24 orëve. Godinat e reja s’kanë dëme strukturore. Kemi filluar punën për të konceptuar 3 lagje të reja dhe do ndërtohen të gjitha me standarde të larta. Me fondin që kemi në dispozicion jemi gati të fillojmë nga puna”, u shpreh kryeministri.
Ai e konsideroi me vend shembjen e tre konvikteve, që kishin marrë dëmtime në strukturë, ndërsa siguroi se Kampusi Universitar do të ndërtohet.
Gjithashtu Rama bëri thirrje që procesi i zbukurimit të qytetit të mbyllet, pasi “të gjithë e kanë të nevojshme t’i kthehen normalitetit”/ Tiranapost.al