Analisti Fatos Lubonja, teksa analizon situatën politike, thotë se opozita nuk e ka forcën të mobilizojë popullin. ”Që nuk do kishte qeveri teknike ishte e qartë, që opozita nuk kishte fuqi të lëvizë popullin për të pasur qeveri teknike prapë ishte e qartë. Opozita s’është e zonja të lëvizë popullin”, tha ai në ”News 24”.
Lubonja theksoi edhe se kryeministri Edi Rama luan me dy porta, kur bën deklaratat e tij politike. Ai tha se beson se Rama do të rrijë në pushtet sa të jetë gjallë, pasi është i detyruar të veprojë kështu.
“Për Ramën mendoj se luan me dy porta. Ai thotë se pas qeverisjes do të ikë e do të merret me art. Por unë mendoj se do të rrijë në pushtet sa të jetë gjallë. Është dënuar që të rrijë në pushtet sa të jetë gjallë. Edhe Berisha e kishte këtë mendësi, por ranë piramidat dhe u largua. Këtu do bjerë kjo piramidë, kjo flluskë e madhe e ndërtimeve e do na marrë të gjithëve. Mua më duket i përcaktuar rezultati i zgjedhjeve, por prapë ka të panjohura, e duhet të presim”, deklaroi Lubonja.