Në një takim në Elbasan me studentët e Universitetit Aleklsandër Xhuvani në Elbasan, Rama u përgjigj pyetjes së bërë shumë herë nga studentët në lidhje me studentët e koruptuar.
Rama tha se zgjidhja është që të flasin me raste dhe emra konkretë pasi vetëm në këtë formë mund të zgjidhet e të fitojnë studentët, e pedagogët të cilët kërkojnë para për të dhënë provimet, të vihen para drejtësisë.
“Keni forcë të madhe kur jeni bashke dhe kur keni të drejtë. S’ma kërkuat ju të ndërroj qeverinë por unë reflektova duke ju parë juve. Nëse ca veshëgjatë nuk ju lënë të futeni në mësim, mblidhuni e ju dhe kuptoni se kush ka të drejtë.
Çështja e pedagogëve të korruptuar si në çdo fushë lidhet me kapacitetin e qytetarit për t’i dhënë lekë. Nuk shpëtoni dot nga kjo e keqe nëse nuk keni kurajën t’i vini gishtin drejt të keqes.
Së pari duke qenë mu në mes të vorbullës së kazanit që janë të gjithë njësoj, hajdut këtej e andej, kam mësuar një gjë, që nuk janë të gjithë njësoj dhe ja ku është Taulanti… dje fitoi një gjyq, sepse u akuzua për një gjë shumë më të rëndë sesa një akt korrupsioni të thjeshtë. Por akuzuesit s’kishte asnjë provë, dhe në gjyq iu tha gjykatësve që për momenti ne e kemi bindje këtë dhe se duhet të vazhdojë deri në fund hetimi dhe pse s’kemi prova.
Pra duhet të kemi forcën që të themi që filan pedagog me ka kërkuar para dhe ja ku janë prova, dhe pastaj do të hetohet…
Pra dua të them që njerëzit bëjnë zgjedhjet e tyre, nëse mua një mjek a një pedagog, a polic më kërkon lekë, dhe unë vendos që nuk ia jap, në fund të ditës unë fitoj, por ama kjo do të vësh kujës, dhe kush ka të drejtë e lufton për atë, nuk ka shans të thotë që se them emrin se më ngel në provime.
Mos mendoni se po them që nuk është e vërtetë kjo që thoni, por si zgjidhet?!
Kjo është një çështje force, unë shpresoj që protesta t’ju ketë dhënë një ide të forcës që keni. Unë jam krenar që është më e lehtë që të protestoni e të zini rrugën kryeministrit, jam krenar për këtë sesa të dilni te dera e të thoni që ky pedagog nuk hyn dot në mësim.
Keni forcë të madhe kur jeni bashke dhe kur keni të drejtë.
S’ma kërkuat ju të ndërroj qeverinë por unë reflektova duke ju parë juve.
Nëse ca veshëgjatë nuk ju lënë të futeni në mësim, mblidhuni e ju dhe kuptoni se kush ka të drejtë.
Çështja e pedagogëve të korruptuar si në çdo fushë lidhet me kapacitetin e qytetarit për t’i dhënë lekë.
Nuk shpëtoni dot nga kjo e keqe nëse nuk keni kurajën t’i vini gishtin drejt të keqes”, u shpreh kreu i qeverisë.