Kryeministri i Shqipërisë, Edi Rama, udhëton sot, më 13 korrik, drejt Parisit për të marrë pjesë në Samitin e Koalicionit të Vullnetarëve për Ukrainën (Coalition of the Willing), me ftesë të Presidentit francez, Emmanuel Macron.
Samiti do të mbledhë krerë shtetesh dhe qeverish, së bashku me Presidentin e Ukrainës, Volodymyr Zelenskyy, si dhe Sekretarin e Përgjithshëm të NATO-s, Mark Rutte, për të diskutuar koordinimin e mbështetjes ndërkombëtare për Ukrainën.
Pjesëmarrja e kryeministrit Rama në këtë takim riafirmon angazhimin e Shqipërisë në mbështetje të Ukrainës, në përputhje me qëndrimin e vendit për mbrojtjen e së drejtës ndërkombëtare, sovranitetit dhe integritetit territorial të Ukrainës, si dhe në koordinim të ngushtë me aleatët dhe partnerët euroatlantikë.
Një ditë më pas, më 14 korrik 2026, gjithashtu me ftesë të Presidentit Emmanuel Macron, kryeministri Edi Rama do të marrë pjesë në ceremoninë zyrtare të organizuar me rastin e Festës Kombëtare të Francës.