Pak më herët, burime për “tirananews” konfirmuan se takimi i përbashkët mes qeverisë së Shqipërisë dhe asaj të Kosovës është anuluar, vendim ky i cili është shpërndarë së fundmi edhe nga mediat në Kosovë.
Pas këtij lajmi, kryeministri Edi Rama ka thërritur një konferencë për shtyp në 19:30, e ku pritet të flasë pikërisht për situatën e tensionuar në Kosovë.
Kujtojmë se mbledhja ishte parashikuar të mbahej nesër në Gjakovë. Në tryezën e përbashkët pritej të nënshkruheshin 14 marrëveshje që do të shtrinin bashkëpunimin mes dy vendeve në disa fusha.