Në takimin e zhvilluar këtë të shtunë në Fier, Kryeministri Edi Rama u ndal te protesta e pedagogëve.
Kreu i qeverisë u shpreh se pagat e pedagogëve janë rritur, dhe se sipas tij në protestë janë një pakicë e tyre të dalë nga “Foltorja”.
“Askujt nuk i janë rritur pagat sa i janë rritur pedagogëve, e çfarë duan ata. Kërkojnë sërish. Por fatmirësisht nuk janë të gjithë. Pasi këta janë një pakicë në drejtimin e një figure të SHIK që e thotë edhe me krenari. Dhe është një grup, një turmë që nga foltorja që del në dyert e universiteteve sikur brenda bëhet nami. Natyrisht që rritja e pagave nuk është e mjaftueshme, por le ta themi të vërtetën ne kemi inflacionin më të ulët”, tha Rama.