Kryeministri Rama ka shpjeguar pse është kaq i vendosur në rrugën e tij, e cila nuk është kurrsesi beteje për përfitime dhe karrierë personale, por passion për të shkruar historinë e vendit.
“Për mua kjo detyrë është mision, është pasion, është bindje atdhetare jo karrierë politike. Është një sfidë me historinë dhe mund ta fitojë jo se jam ky që jam, por se kam ju dhe të gjithë Partinë Socialiste. Le të thonë të sa të duan, le të lehin sa të duan, kjo është e vetmja parti që nuk ka tradhëtuar asnjëherë interesin kombëtar. Mbetet forca me e madhe, me e aftë dhe më atdhetarja”, u shpreh Rama.
“Dua të jap një mesazh për të gjithë shqiptarët. Nuk jam më mi i miri, kam të metat e mia si njeri dhe kryeministër, bëj sa mundem jo sa dua dhe jo gjithmonë bëj aq mirë sa duhet atë që mundem, por sot dua t’ju them duke ju parë në sy: Po të ishte kjo e imja një çështje personale ju siguroj që do ta kisha lënë prej kohësh këtë punë dhe nuk do të mbaja kurrë në kurriz rrebeshin e baltës mbi shpinë. Nëse do të ishte për çështje personale nuk do ta kisha marrë që në fillim, unë mund të jem apasionant, edhe arrogant po të doni, por kurrë nuk kam qenë materialist dhe as kriminel.
Unë mund të bëj gjykime të gabuara, mund të marr edhe vendime të gabuara, por kurrë as kam bërë e as kam për të bërë e për të marrë asnjë vendim për gjëra të gabuara që i di më parë që janë të gabuara. Kurrë nuk ka futur dorën në xhepin e një njeriu të gjallë në këtë vend. Kurrë nuk ka hedhur e nuk kamë për hedhur firmën për vendime në dëm të njerëzve të këtij vendi, ka thënë ai.