Mediat e shkruara dhe vizive të shtetit grek kanë përqëndruar vëmëndjen në deklaratën e bërë dje nga kryeministri i Shqipërisë, Edi Rama, teksa ky i fundit sqaroi se nuk ka asnjë qelizë greke në trup.
Protothema shkruan se “në një përpjekje të dëshpëruar për t’i shpëtuar pyetjeve të gazetarëve për krizën e thellë politike që po kalon vendi i tij, Rama është përgjigjur me delir”.
“E para e punës, kam në dejet e mia një miks dhe nuk do të isha aspak i trishtuar nëse do të kisha edhe një pjesë të gjakut grek, por nuk kam asnjë qelizë, se kam pasur këtë, ndërkohë që kam ca rrjedha të tjera, ashtu sikur kam edhe rrjedha të brendshme nga Shkodra, në Mirditë në Berat, Vuno në Vlorë. Do doja ta sqaroja qartë se ortodoksët shqiptarë janë shqiptarë dhe grekët ortodoksë janë grekë. Gjithmonë qëllimi ka qenë marrëdhënia më të mira të mundshme”- ka thene Rama.
Me tej, ai foli per marredheniet me Greqine. “Kemi bërë diskutime, negociata që janë çështje të së shkuarës. Me qeverinë e re duam të kemi vazhdim të dialogut për çështjet, miqësi, mirëkuptim, respekt. Është me rëndësi të intensifikojnë edhe për të vendosur pikat mbi ‘i’ për disa aspekte lidhur me të drejtat e minoritit grek në Shqipëri. Minoriteti është i shikuar si pjesë integrale e padyshim e bashkëjetesës sonë dhe pasuri. Përsa i përket negociatave. Vendimmarrja e Tetorit nuk ka lidhje me Shqipërinë, por dinamikat e brendshme në BE, është politik, nuk ka lidhje me vlerësim teknik objektiv. Gjithçka mund të ndodhë në Tetor nuk përjashtoj asnjë version”, tha ai.