Kryeministri Edi Rama ka publikuar pamje nga aeroporti i Rinasit. Në foto shihet avioni i ‘Air Albania’ i cili ka marrë emrin “Migjeni”.
Më herët kreu i qeverisë ka lajmëruar se “Migjeni” do të bëjë fluturimin e parë nesër dhe do ketë si destinacion Italinë.
“Ka lezet pranë Lasgushit ka mbërritur edhe Migjeni, gati për fluturimet e Italisë nga Rinasi, ku përpara Vitit të Ri do të ulet dhe Naimi, për destinacionet e tjera europiane”, shkruan Rama.
Ndërkohë, Air Albania i ka nisur fluturimet pak muaj më parë. Avioni i emëruar si ‘Lasgushi’ bën linjën e Stambollit.
