Kryeministri Edi Rama ka ndarë shifrat e rritjes së inflacionit gjatë muajit prill, në Shqipëri dhe vendet e rajonit.
Përmes një postimi në “Facebook”, shefi i qeverisë shkruan se vendi ynë ka rritjen më të ulët të inflacionit në rajon dhe kjo vjen si pasojë e vendimit të qeverisë për të mos rritur çmimin e energjisë për familjarët dhe bizneset e vogla.
“Mbulimi 100% nga qeveria i rritjes së çmimit të energjisë elektrike për familjarët dhe bizneset e vogla dhe rritja e prodhimit vendas, kanë bërë që rritja e inflacionit në Shqipëri të jetë më e ulëta në rajon! Këto janë të dhëna të muajit prill.”